भीमरायची आली वरात
सनई ताशाच्या मंगल सूरात
हो भीमरायची आली वरात ||
नाव वर्षाची राम लहान
नाकी डोळी सुंदर छान
बघती सारे डोळे भरून
कौतुक करती गोड मुखान
सौख्य देईल सदा संसारात
भीमरायची आली वरात ||१||
जमल्या सगळ्या आया बाया
नाव रमाला सांगती घ्याया
कान आतुरले नाव ऐकाया
लागली जेंव्हा राम लाजाया
चंद्रमुख तिचे लपवी पदरात
भीमरायची आली वरात ||२||
नवरा नवरी खांद्यावरती
वाजत गाजत नाचत आणती
मुंडावळ्या त्या झुलती डुलती
बाशिंग ती चमचम करती
चांदनं पडलं जणू अंधारात
भीमरायची आली वरात ||३||
सनई ताशाच्या मंगल सूरात
हो भीमरायची आली वरात ||
गायक- आनंद शिंदे
No comments:
Post a Comment